2021: Signe Fuglesteg Luksengard
Pust inn pust ut
Seks av ti nordmenn lid av stress. Stive nakkar, vond mage, kløande utslett, høgare blodtrykk, angst og depresjon kan alle bunnast i uro og stress. Kva kjem det av, korleis påverkar det kroppen og liva våre?
Gjennom å møte menneske som av ulike årsakar lid av stress, fotografere forsking og behandlingsformar søkjer eg etter å finne svare på korleis me kan leve betre med stress og korleis me kan lære å puste inn, puste ut og slappe av.
Bileta under er eit lite utdrag. Prosjektet er framleis under arbeid.
Signe Fuglested Luksengard
(f. 1990) er utdanna fotograf frå Norsk Fotofagskule og journalist frå Nynorsk Mediesenter. I dag jobbar ho med lengre personlege prosjekt i tillegg til arbeid for magasin, artistar og kultur. I hennar personlege arbeide er ho interessert i kva som gjer oss til den me er, og kva som får oss til å høyrer til.
